Gastronomiaren eta bere balio-katearen munduan nazioartean aitzindaria den erakunde baten parte izan nahi al duzu? Berrikuntza eta ikerketa gustuko al dituzu? BCC INNOVATIONek, Basque Culinary Centerren (Donostia) diziplina arteko ikerketa- eta berrikuntza-zentroak, honako profil profesional hau sartu behar du bere taldean: A. Berrikuntzako eta erabiltzailean ardaztutako produktuen (human-centered design) diseinuko metodologietako espezialista
20 maiatza 2019
Erantzukizunak
Zeharka integratuko da BCCInnovation-eko jarduera-ildoetan, bereziki Berrikuntzako eta Ekintzailetzako arloetan; eta haren eginkizuna izango da Erabiltzailean Ardaztutako Diseinuaren (Human-Centered Design) ikuspegi metodologikoa eta tresna puntualak txertatzea Zentro Teknologikoko berrikuntza-prozesuetan, produktu, zerbitzu, esperientzia eta negozio-eredu berriak garatzeko proiektuetan eta, oro har, arazo/erronkei sormenaren bidez irtenbidea bilatzerakoan.
Zentroaren egungo berrikuntza-prozesuak aztertu eta haien egoeraren berri emango du, prozesu horiek egokitzeko/osatzeko; halaber, bere zereginen artean egongo da departamentuko beste kide batzuen prestakuntza ere. Era berean, partner industrial potentzialekin harremanetan jarriko da, bezeroekin berrikuntza-proiektuak garatu eta eskaintzak landuko ditu, eta startupen/enpresa-proiektu berrien inkubazio- edo azkartze-prozesuei laguntza emango die.
Trebetasunak
- Unibertsitateko titulua (Diseinuko unibertsitate-prestakuntza izatea kontuan izango da)
- 3 urteko esperientzia izatea, gutxienez, ikerkuntza-zentroetan edo enpresetako I+G+b departamentuetan
- Ezagutza teoriko eta praktiko zabala edukitzea Erabiltzailean Ardaztutako Diseinuaren ikuspegiari buruz, Design Thinkingaren prozedura eta tresnei buruz, eta esperientzia izatea prototipatze eta testatze/balidatze arineko prozesuetan.
- «Lean» ikuspegi metodologikoa ezagutzea (management, startup…)
- Esperientzia izatea merkatura ateratako eta ikuspegi/metodologia horiek aplikatuz egindako produktu eta zerbitzu berrien garapenean
- Esperientzia izatea taldeen erraztaile-lanetan, eta, halaber, eskarmentua izatea lan-saioetan, lantegietan eta berrikuntzako eta arazo/erronkei sormenaren bidez irtenbidea bilatzeko prozesuetan
- Bidaiatzeko prest egotea eta malgutasuna edukitzea
- Berrikuntza-prozesuek etengabe izaten dituzten ziurgabetasuneko eta anbiguotasuneko egoeratara egokitzea eta malgutasuna edukitzea
- Gastronomiaren eta elikaduraren munduarekiko gertutasuna eta pasioa edukitzea eta/edo eremu horretan lan-esperientzia izatea balioetsiko da
- Nazioarteko esperientzia kontuan hartuko da
- Lan-hizkuntzak: ingelesa, gaztelania eta euskara
- Pentsamendu kritikoa
- Pertsona arteko komunikazio-trebetasunak
- Autolidergoa
Interesatuta zaude? Bidali eskaera eta harremanetan jarriko gara zurekin.
Eskatu enplegu hauBeste plaza huts batzuk
